राष्ट्रकविको अन्तिम विदाई, दुई छोराले दिए दागबत्ती

sf7df8f}F, # ebf} M /fi6«slj dfwjk|;fb l3ld/]sf] kfly{j z/L/df bfualQ lb+b} 5f]/fx? . /fi6«slj l3ld/] !)! jif{sf] pd]/df ;f]daf/ ;fFem %M%% ah] cfkmg} lgjf; sf7df8f}Fsf] n}rrf}/df lgwg ePsf] xf] . :j= l3ld/]sf] >LdtL, b'O{ 5f]/f / ^ 5f]/L 5g . t:jL/ M /Tg >]i7, /f;; .

काठमाडौं । राष्ट्रकवि माधवप्रसाद घिमिरेको पशुपति आर्यघाटमा राष्ट्रिय सम्मानका साथ अन्त्येष्टि गरिएको छ ।

उनको सम्मानमा नेपाली सेना तथा शसस्त्र प्रहरीको टुकडिले सलामी अर्पण गरेको थियो । स्वर्गीय घिमिरेको पार्थिब शरीरमा दुई छोराले दागबत्ती दिएका थिए ।

यसअघि विहान लैनचौरस्थित उनको निवास पुगेर उपप्रधानमन्त्री एवं रक्षामन्त्री ईश्वर पोखरेलले राष्ट्रकवि माधवप्रसाद घिमिरेको पार्थिव शरीरमा राष्ट्रिय झण्डा ओढाई नेपाल सरकारका तर्फबाट श्रद्धाञ्जलि व्यक्त गरेका थिए ।

कविवर घिमिरेको मङ्गलबार साँझ १०१ वर्षको उमेरमा निधन भएको थियो । घिमिरे केही दिनदेखि अस्वस्थ थिए ।

उनको जन्म वि.सं. १९७६ असोज ७ गते लमजुङमा भएको थियो । वि.सं.१९९२ मा गोरखापत्रमा पहिलो रचना छपाएर काव्य सिर्जनामा प्रवेश गरेका घिमिरे वि.सं. २००५ सालमा गोरखापत्रमै सह–सम्पादकको जागिरे पनि बनेका थिए ।

बनारसबाट शास्त्री प्रथम खण्ड उत्तीर्ण गरेपछि उनले भाषानुवाद परिषदबाट मासिक २५ रुपैयाँ तलबमा लेखक पदमा रहेर काम गरेका थिए । स्वच्छन्दतावादी भावधारा र परिष्कारवादी शैलीका उनी कुशल गीतकार पनि थिए ।

चर्चित राष्ट्रिय गीत ‘गाउँछ गीत नेपाली’ का रचनाकार घिमिरेका ‘फूलको थुङ्गा बगेर गयो ‘आजै र राति के देखेँ सपना’ निकै चर्चित छन् ।

घिमिरेले साहित्यका कविता, खण्डकाव्य, गीतिनाटक, कथा, अनुवाद लेख, प्रबन्धजस्ता अनेकौं विधा–उपविधाहरुमा निरन्तर कलम चलाउदै आएका थिए ।

प्रकृतिका अनेकन विविध पक्षहरुलाई आफ्ना जीवन्त रचनाहरुमा समावेश गर्दै जीवनलाई नै प्रकृतिसापेक्ष ढङगबाट व्याख्या गर्ने उहाँका लेखाइहरु दीर्घसाधनाले भरिएका छन ।

नेपाली साहित्यमा स्वच्छन्दतावादी शैलीमा कलम चलाउने घिमिरेलाई २०६० साल असोज ९ गते सरकारले राष्ट्रकविको उपाधि प्रदान गरेको थियो ।

शतायु बाँचेर देहावसान भएका राष्ट्रकवि माधवप्रसाद घिमिरेको अन्तिम महाकाव्य ‘ऋतम्भरा’ प्रकाशनको अन्तिम चरणमा छ ।

टिप्पणी थप्नुहोस्