ओली र दाहाल मिलाउन ‘टालटुले समाधान’

काठमाडौं । सत्तारुढ नेपाल कम्युनिष्ट पार्टी (नेकपा) को विवाद समाधानका लागि गठित कार्यदलले प्रतिवेदन बुझाएको छ ।

प्रधानमन्त्री एवं नेकपा अध्यक्ष केपी ओली र अर्का अध्यक्ष पुष्पकमल दाहाललाई भेटेर कार्यदलका सदस्यहरुले प्रतिवेदन बुझाएका हुन् ।

पार्टी महासचिव विष्णु पौडेलको संयोजकत्वमा स्थायी कमिटी सदस्यहरू सुरेन्द्र पाण्डे, भीम रावल, पम्फा भुसाल, जनार्दन शर्मा र शंकर पोखरेल सदस्य रहेको कार्यदल ८ दिनअघि गठन गरिएको थियो ।

कार्यदलले पार्टीभित्रको वर्तमान अवस्था समीक्षा गर्दै पार्टी एकमत बनाएर लैजान चालिनुपर्ने कदमका बारेमा सुझाव दिएको छ ।

अध्यक्ष केपी ओलीको कार्यशैलीप्रति असन्तुष्ट रहेका दाहाल-माधव नेपालसहितका नेताले ओलीलाई दुबै पदबाट राजीनामा गर्न दबाब दिए पनि उनले ठाडै अस्वीकार गर्दा नेकपा लामो समयदेखि अनिर्णयको बन्दी बनेको थियो ।

यस्तोमा ओलीले नटेरेपछि दाहाललगायतका नेता आफ्ना मागबाट पछि हटेर कार्यदल बनाई टालटुले समाधान खोज्न बाध्य भएका हुन् ।

प्राप्त जानकारी अनुसार प्रतिवेदनमा सरकार एउटा अध्यक्षले र पार्टी अर्को अध्यक्षले चलाउने सहमति गर्न जोड गरिएको छ । ओलीको सल्लाहमा पार्टी काममा प्रचण्ड पूर्ण सक्रिय र त्यस्तै प्रधानमन्त्री ओली सरकारको काममा सक्रिय रहने तर प्रचण्डसँग सल्लाह गरेर अघि बढ्ने भनिएको बताइएको छ ।

टिप्पणी थप्नुहोस्

सामाजिक संजाल

पछिल्लो सामग्री