काठमाडौं । बालुवाटारस्थित ललिता निवासको सरकारी जग्गा व्यक्तिको नाममा दर्ता गरेको प्रकरणमा प्रहरीले थप ६ जनालाई पक्राउ गरेको छ। प्रहरीको केन्द्रीय अनुसन्धान ब्यूरो (सीआईबी)ले थप ६ जनालाई मंगलबार पक्राउ गरेको हो ।
त्यसअघि मंगलबार नै बिहान प्रहरीले भाटभटेनी सुपरमार्केटका सञ्चालक मीनबहादुर गुरूङलाई पक्राउ गरेको थियो । पक्राउ पर्नेमा पूर्व निर्वाचन आयुक्त सुधीर कुमार शाह, मालपोत कार्यालय डिल्लीबजारका तत्कालीन प्रमुख कलाधर देउजा, कर्मचारी धर्मप्रसाद गौतम, सुरेन्द्रमान कपाली, गोपाल कार्की र भूपेन्द्रमणि केसी रहेका छन् ।ललिता निवास जग्गा प्रकरणमा सिआइबीले अनुसन्धान गरी २०७८ पुसमा सरकारी वकिलको कार्यालय काठमाडौंमा अनुसन्धान प्रतिवेदन बुझाएको थियो ।
यसमा सरकारी वकिल कार्यालयले थप अनुसन्धान गर्नु भनेर फिर्ता पठाएको थियो र त्यसपछि यसबारे सीआइबीले अनुसन्धान गरिरहेको थियो । जग्गा हडप्न सरकारी कागजात किर्ते गरेको कसुरमा अनुसन्धानका लागि मीनबहादुर गुरूङलाई नियन्त्रणमा लिएको प्रहरीले जनाएको छ । ललिता निवासको २९९ रोपनी ३ आना सरकारी जग्गा हिनामिना प्रकरणमा उनी आरोपित रहेका थिए । यसअघि उनी फरारको सूचीमा रहेका थिए ।
1613232978.jpg)
