काठमाडौं । माओवादी केन्द्रले कारवाही गर्दै हटाएका चार नेताले सांसद पदमा पुनर्बहालीको माग गर्दै सर्वोच्च अदालतमा रिट दायर गरेका छन् । माओवादी केन्द्र छोडेर नेकपा एमाले प्रवेश गरेका पूर्व सांसदहरु टोपबहादुर रायमाझी, प्रभु साह, लेखराज भट्ट र गौरीशंखर चौधरीले सांसद पदमा पुनर्बहालीको माग गर्दै सर्वोच्च अदालतमा रिट दिएका हुन् ।
आफूलाई अवैधानिक रुपमा पार्टीले सांसदबाट हटाएको भन्दै चारैजना पूर्व सांसदले पुनर्बहालीको माग राखेर अदालतमा निवेदन दिएका हुन् । सर्वोच्च अदालतले रिटमाथिको सुनुवाइको पेशी विहीबारका लागि तोकेको छ ।
माओवादी छाडेका चारैजना प्रतिनिधि सभामा प्रत्यक्ष निर्वाचित सांसद हुन् । ओली नेतृत्वको सरकारमा सहभागी भएको भन्दै चैत २६ गते माओवादीले उनीहरुलाई सांसद पदबाट हटाएको थियो ।
1613232978.jpg)
