रूपान्तरण एक डिजिटल पत्रिका हो जसले नेपाली समाज, राजनीति, संस्कृति, अर्थव्यवस्था र अन्य गतिविधिहरूमा केन्द्रित छ । संघीय लोकतान्त्रिक नेपाल स्थापना गर्न सहयोग गर्नु हाम्रो लक्ष्य हो। स्वतन्त्रता हाम्रो आदर्श हो ।
मंसिर ४ गते भएको प्रतिनिधि सभाको निर्वाचनमा जितेका सांसदहरुले विहीबार सामूहिक शपथ ग्रहण गरेका छन् । नयाँ बानेश्वरस्थित संसद भवनमा उपस्थित प्रतिनिधिले शपथ लिएका हुन् ।
प्रतिनिधि सभाका नवनिर्वाचित सांसदलाई शपथ ग्रहण गराउने कार्यक्रमको तयारी अन्तिम चरणमा पुगेको सङ्घीय संसद् सचिवालयले जनाएको छ । नयाँबानेश्वरस्थित संसद् भवनमा बिहीबार दिउँसो १ बजे नवनिर्वाचित सांसदलाई शपथ ग्रहण गराउने कार्यक्रम छ । शपथ ग्रहणका लागि सांसद निर्वाचित भएको प्रमाणपत्र लिएर आउन अनुरोध गरिएको संसद् सचिवालयका प्रवक्ता डा रोजनाथ पाण्डेले जानकारी दिए ।
गैरआवासीय नेपाली संघकी अध्यक्ष रबिना थापाले वैदेशिक रोजगारीमा रहेका श्रमिकहरुलाई समेत सामाजिक सुरक्षा कोषमा आवद्ध गर्ने गरि एक दशक भन्दा बढी समयदेखि संघले गरि आएको पहलले सार्थकता पाएको बताएकी छन् ।
नेपाली कांग्रेसका सभापति शेरबहादुर देउवा फेरि पार्टीको संसदीय दलको नेता बनेका छन् । लोकतान्त्रिक पद्धतिअनुसार परिवर्तनको नारा लिएर चुनावी मैदानमा उत्रिएका महामन्त्री गगनकुमार थापालाई ३९ मतले पछि पार्दै देउवा निर्वाचित भएका हुन् ।
प्रमुख दल नेपाली कांग्रेसको संसदीय दलको नेता चयन गर्न आन्तरिक प्रतिस्पर्धाको तयारी भइरहेका बेला नेकपा एमालेका अध्यक्ष केपी शर्मा ओली भने संसदीय दलको नेतामा निर्विरोध चयन भएका छन् ।
नेपाली कांग्रेसका केन्द्रीय सदस्य एवम पूर्वमहामन्त्री डा.शशांक कोइरालाले पूर्वमहामन्त्री कुलबहादुर(केबी) गुरुङसँग भेट गरेका छन् । भेटमा हालै सम्पन्न प्रतिनिधि सभा र प्रदेश सभा निर्वाचनपछिको राजनीतिक अवस्थाका बारे छलफल भएको छ ।
नेपाली कांग्रेस संसदीय दलको नेताका लागि सभापति एवं प्रधानमन्त्री शेरबहादुर देउवा र महामन्त्री गगनकुमार थापाले उम्मेदवारी दर्ता गराएका छन् ।
निर्वाचन आयोगले प्रतिनिधि सभा र प्रदेश सभा निर्वाचन सफलतापूर्वक सम्पन्न भएको उपलक्ष्यमा आयोगको प्राङ्गणमा भब्य जलपान समारोहको आयोजना गरेको छ ।""
