रूपान्तरण एक डिजिटल पत्रिका हो जसले नेपाली समाज, राजनीति, संस्कृति, अर्थव्यवस्था र अन्य गतिविधिहरूमा केन्द्रित छ । संघीय लोकतान्त्रिक नेपाल स्थापना गर्न सहयोग गर्नु हाम्रो लक्ष्य हो। स्वतन्त्रता हाम्रो आदर्श हो ।
नेकपा (माओवादी केन्द्र)ले पार्टी अध्यक्ष तथा प्रधानमन्त्री पुष्पकमल दाहाल लेसरदार प्रितम सिंहबारे दिएको अभिव्यक्तिलाई लिएर प्रमुख प्रतिपक्ष दलबाट गरिएको भ्रामक, आपत्तिजनक, प्रचारवाजीप्रति गम्भीर ध्यानाकर्षण भएको बताएको छ ।
उद्योग वाणिज्य तथा आपूर्ति मन्त्रालयले यस वर्षको वर्षायाममा कहीँ कतै खाद्यान्न अभाव नहुने बताएको छ । देशभरको गोदाममा खाद्यान्न मौजाद रहेको र थप खाद्यान्न खरिद र ढुवानी प्रक्रिया जारी रहेको मन्त्रालयले जनाएको छ ।
नेपाली कांग्रेस र नेकपा (माओवादी केन्द्र) बीच आलोपालो नेतृत्व गर्ने मोडेलमा कोशीको मुख्यमन्त्रीको सहमति हुने देखिएको छ । शीर्ष नेताहरूले केन्द्रमा माओवादीले नेतृत्व गरेको र ठुलो पार्टीको हिसाबले मुख्यमन्त्रीमा कांग्रेसको दावी स्वभावीक रहेकोले पहिलो २ बर्ष कांग्रेसलाई दिने र बाँकी समय माओवादीले नेतृत्व गर्ने करीब टुंगिएको प्रचण्ड निकट एक केद्रीय नेताले बताए ।
सबैले देखिरहेका छौं त्रिचन्द्र क्याम्पसका ऐतिहासिक संरचनाहरु जीर्ण बन्दै गइरहेका छन् । भत्किएका छन अनि भग्नावशेष अवस्थामा पुगेका छन् । त्यसैले क्याम्पसको अस्तित्व जोगाउन पर्छ भन्नेमा मेरो पनि साथ छ । तर नेपालको अवस्था देखेर दिक्क लाग्छ । भवन बनाउने सवालमा हाम्रा ठेक्केदार र सरोकारवाला निकायको भूमिका पारदर्शी देखिदैन । सबै काम सेटिङमा चल्छ भन्ने लाग्छ । जे मन लाग्यो त्यस्तै भवन ठड्याइएको पाइन्छ । नेपालमा राम्रा आर्किटेकरहरु पनि छन । उनीहरुबाट सहयोग लिएको पाइँदैन ।
नेपाली कांग्रेसले कोशी प्रदेशको मुख्यमन्त्रीमा प्रदेश सभापति उद्धव थापालाई अगाडि बढाउने निर्णय गरेको छ । कोशी प्रदेश कार्यसमितिको आइतबार बसेको बैठकले थापालाई मुख्यमन्त्रीका रुपमा प्रस्ताव गरेको उपसभापति रमेशजंग रायमाझीले जानकारी दिए । नेकपा (एमाले)को नेतृत्वमा रहेको सरकार ढलेपछि सत्ता साझेदर दलहरुबीच कसको नेतृत्वमा सरकार बनाउने भन्ने विषयमा छलफल चलिरहेका बेला कांग्रेसले मुख्यमन्त्रीमा थापालाई अगाडि बढाएको हो । ।
नेपाली कांग्रेसका महामन्त्री गगनकुमार थापाले कांग्रेस बदल्ने अभियानमा आफू लागि परेको र कांग्रेस बदल्नका लागि आफू महामन्त्री पद त्याग गर्न पनि तयार रहेको घोषणा गरेका छन् । महामन्त्री थापाले दाग लागेको कांग्रेसको महामन्त्री बन्नुभन्दा सफा कांग्रेसको कार्यकर्ता भएर बस्न आफूलाई मन भएको बताएका हुन् ।
कोशी प्रदेशमा पनि एमाले नेतृत्वको सरकार ढलेको छ । एमालेबाट मुख्यमन्त्री भएका हिक्मतकुमार कार्कीले कोशी प्रदेश सभामा विश्वासको मतसम्बन्धी राखेको प्रस्ताव फेल भएसँगै कार्की नेतृत्वको सरकार ढलेको हो ।
अंग्रेजी जुन महिनालाई उत्सवका रुपमा मनाइरहेका नेपालका यौनिक तथा लैङ्गिक अल्पसंख्यक समूदायका व्यक्तिहरुका लागि खुशीको खबर मिलेको छ । उत्सव मनाइरहेका बेला सर्बोच्च अदालतले वैवाहिक अधिकार सुनिश्चित गर्ने आदेश दिएको छ। न्यायाधीश तिलप्रसाद श्रेष्ठको एकल इजलासले विवाह गरेका र विवाह गर्ने जोडीको वैवाहिक अधिकार सुनिश्चित गर्ने आदेश दिएको हो।
