रूपान्तरण एक डिजिटल पत्रिका हो जसले नेपाली समाज, राजनीति, संस्कृति, अर्थव्यवस्था र अन्य गतिविधिहरूमा केन्द्रित छ । संघीय लोकतान्त्रिक नेपाल स्थापना गर्न सहयोग गर्नु हाम्रो लक्ष्य हो। स्वतन्त्रता हाम्रो आदर्श हो ।
वि.स.२०५१ सालपछि जनयुद्ध शुरु गर्दाका सहयात्री नेता यतिबेला छिन्नभिन्नको अवस्थामा छन् । तत्कालीन माओवादीको नेतृत्व अहिलेपनि पुष्पकमल दाहाल प्रचण्डले नै गरिरहेका छन् ।
प्रधानमन्त्री पुष्पकमल दाहाल ‘प्रचण्ड’ले राष्ट्रपति विद्यादेवी भण्डारी समक्ष नेपाल सरकारको वार्षिक प्रतिवेदन प्रस्तुत गरेका छन् । राष्ट्रपति कार्यालय शीतल निवासमा आइतबार आयोजित एक कार्यक्रममा उनले आर्थिक वर्ष २०७८–७९ को वार्षिक प्रतिवेदन प्रस्तुत गरेका हुन् ।
सुदूरपश्चिम प्रदेशका मुख्यमन्त्री कमल बहादुर शाहले विश्वासको मत प्राप्त गरेका छन् । प्रदेश सभाको आइतबार आह्वान गरेको बैठकमा मुख्यमन्त्री शाहले दुई तिहाइ प्रदेश सभा सदस्यहरुको विश्वासको मत प्राप्त गरेका हुन् ।
नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ ले माओवादीहरुलाई हत्यारा र अपराधी भनेको भन्दै आपत्ति जनाएका छन् । आइतबार काठमाडौंमा सहिद तथा बेपत्ता योद्धा सन्तति फाउण्डेशनले आयोजना गरेको विशेष अन्तरक्रिया कार्यक्रमलाई सम्बोधन गर्दै उनले जनयुद्धलाई अपराधीकरण गर्न खोजेमा इतिहास दोहोर्याउने उनले चेतावनी दिएका हुन् ।
संभवत राष्ट्रपतिको निर्वाचनपछि प्रधानमन्त्री पुष्पकमल दाहाल प्रचण्डले मन्त्रीमण्डललाई पूर्णता दिने तयारी गरिरहेका छन् । राष्ट्रपतीको निर्वाचनका लागि आठ दलीय गठबन्धनको समीकरण बनेपछि राजनीतिले नयाँ मोड लिएको थियो । अब गठबन्धनमा रहेका सबै दल सरकारमा सहभागी हुन्छन् या हुँदैनन् भन्ने विषय अझै अन्योलमा छ । तर प्रमुख दल नेपाली कांग्रेस भने सरकारमा सहभागी हुने लगभग निश्चित छ ।
आईसीसी विश्वकप लिग टू अन्तर्गतको जारी त्रिकोणात्मक सिरिजमा नेपालले पपुवा न्यु गिनि(पीएनजी)लाई पराजित गरेको छ । नेपालका लागि ओपनर आसिफ शेख तथा सन्दीप लामिछानेले कीर्तिमानी साझेदारी गरेपछि पीएनजी ३ विकेटले पराजित भएको हो । पपुवा न्यूगिनीले दिएको १८० रनको लक्ष्य नेपालले अन्तिम २ ओभर बाँकी छँदा ७ विकेट गुमाएर पुर्याएको थियो ।
फागुन १ गते झापामा आयोजना गरेको एक सार्वजनिक कार्यक्रममा व्यवसायी दुर्गा प्रसाईं खुलेआम लघुवित्त र बैंकका कर्मचारीलाई कालो मोसो दल्न भनी दिएको अभिव्यक्तिका कारण ब्यांक तथा वित्तीय संस्थामा तरंग पैदा भएको छ । उनले कालो मोसो दलेपछि प्रहरीले पाँच दिन हिरासतमा राखेर छोड्ने भएकाले यो अभियानमा लाग्न प्रसाइँले सर्वसाधारणलाई उक्साएको भन्दै ब्यांक तथा वित्तीय संस्था सम्बद्ध व्यक्तिहरुले आपत्ति समेत जनाएका छन् ।
नेपाली कांग्रेसका सभापति एवं पूर्वप्रधानमन्त्री शेरबहादुर देउवाले राष्ट्रपति पदका उम्मेदवार पार्टीका वरिष्ठ नेता रामचन्द्र पौडेल लोकतन्त्रका लागि ठूलो त्याग र सङ्घर्ष गरेका नेता भएको उल्लेख गर्दै उनलाई विजयी बनाउन सबैलाई आह्वान गरेका छन् । राष्ट्रपतिको निर्वाचन यही फागुन २५ गते हुँदैछ ।
